Landbúnaðarsafn Íslands

2 dagar síðan

Fergusonfélagsmenn áttu daginn á Hvanneyrarhlaði í gær. Blíðan var mætt að venju. Mér (Bj.Guðm.) fannst gaman að rölta um og upplifa enn einu sinni áhuga þeirra félaga og dugnað við að sinna vélum og tækjum safnsins. Þannig hafa þeir eflt safnið stórum og gert það sýnilegra.

Með þeim hætti hafa þeir lagt sitt af mörkum til varðveislu og túlkunar mikilvægs kafla í atvinnusögu þjóðarinnar - kaflans um það þegar aflvélar og verkfæri þeirra tóku að létta og losa um vinnuafl til sveita, vinnuafl sem horfið gat til eflingar annarra atvinnuvega.

Ég leyfði mér að hnupla ((og fella inn)) fágætlega góðri mynd James Einars Becker af Markúsi Sigurðssyni frá Svartagili í Þingvallasveit þar sem hann fór höndum um Deutz-dráttarvél Þórðar í Haga svo hún gat fyrir eigin afli notið samvista við aðrar dráttarvélar Landbúnaðarsafnsins í sólskininu á Hvanneyrarhlaði.

Öðlinginn Markús má hér líta á sem fulltrúa þeirra mörgu kunnáttumanna sem lagt hafa Landbúnaðarsafni lið, lið sem er metið mikils og þakkað að verðleikum. ... Sjá meiraSjá minna

Landbúnaðarsafn Íslands

4 dagar síðan

Þarf ekki að vera flókið ☀️ Velkomin á opinn dag á morgun - frítt inn og gott veður í Borgarfirðinum ☺️Hvað á að gera um helgina? ☀️

Hér er ein góð hugmynd að dásamlegum degi í Borgarfirði:

Byrjaðu á því að kíkja í sund í Hreppslaug — Fáðu þér ís í pottinn

Skelltu þér svo á Ferguson-daginn á Hvanneyri, skoðaðu Landbúnaðarsafn Íslands og kíktu við í Ullarselið

Endaðu svo daginn á dýrindis vöfflum og gæða kaffi hjá Skemman kaffihús an kaffihús ... Sjá meiraSjá minna