Búvélasafnið vantar brúsavagn

Á tíð mjólkurbrúsanna smíðuðu bændur sér létta handvagna sem brúkaðir voru til þess að trilla mjólkurbrúsunum á út á brúsapall. Var mikið hagræði af þessum vögnum. Tími brúsanna er (kannske sem betur fer) löngu liðinn. Við Búvélasafnskallar (sem höfum tekið gleði okkar á ný eftir dæmalaust góða frammistöðu Skagamann í deildinni...) höfum verið að svipast um eftir gömlu, litlum, nettum og heillegum mjólkurbrúsahandvagni með þekkta sögu. Veist þú um svona vagn sem falur kynni að vera? Láttu okkur þá endilega vita!

Síminn er 433 7000, eða GSM 894 6368/Bjarni Guðmundsson, eða rafpósti á bjarnig@hvanneyri.is

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins