Landbúnaðarsafnið á sjónvarpsstöðinni ÍNN

Þátturinn Græðlingur á hinni virtu sjónvarpsstöð ÍNN hefur hlotið mikið lof fyrir vandaða vinnu stjórnandans, Guðríðar Helgadóttur, sjá t.d. frétt á www.lbhi.is .

Nú hefur þátturinn sýnt Landbúnaðarsafni þann heiður að fjalla um starf þess og Þessa dagana má fylgjast með þættinum úr safninu á sjónvarpsstöðinni í stafrænni útsendingu en líka á www.inntv.is

Sá er kostur útsendingar þáttarins að sendingartíminn á ÍNN-stöðinni hentar bæði A- og B-mönnum, þ.e. bæði morgunhönum og kvöldgöltrurum.

Þarf því mjög einbeitt og skipulagt skipulagsleysi til þess að missa af þessum traktors-Græðlingi. Dagskrá með útsendingartímum má finna á www.inntv.is

Lesendum er bent á að fylgjast áfram með Græðlingi því brátt mun Guðríður taka fyrir grænt efni (og rautt) sem tengist aðventu og jólum ...

Njótið vel.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins