Sjónvarpsfrétt um Ferguson

Heimsíðungur étur oní sig það sem hann áður skrifaði um að linna mundi tuði hans um Ferguson. Hann hyggst hins vegar verða við ábendingu staðfasts lesanda síðunnar um að vísa til fréttar um Ferguson sem RÚV/Sjónvarp birti gærkvöld, sunnudagskvöldið 19. júlí. Fréttina má finna á eftirfarandi slóð.

Athygli Sjónvarpsins er þökkuð og metin:

http://dagskra.ruv.is/sjonvarpid/4467300/2009/07/19/12/

Veitið því sérstaka athygli hve vel fer á með Fergusyni og Erlendi vélameistara Sigurðssyni þar sem þeir dansa dráttarvélar-ballett við fjórgengishrynjandi í sumarblíðunni á Hvanneyrarhlaði undir lok fréttarinnar.

Fréttamaðurinn Guðmundur Bolvíkingur gat heldur ekki orða bundist eins og þið munuð heyra.

Síðan mun síðan taka að fjalla um aðrar síður búnaðarsögunnar en Ferguson.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Þvottakonan

Nafn dagsins er þvottakonan. Ekki bara einhver þvottakonan, heldur þvottakonan sem upplifði það að ný óhreinindi voru komin á vinnuföt karlanna sem hún þjónaði samtíma sínum samkvæmt: Karlarnir voru farnir að umgangast traktora, þessar framandi maskínur komnar vestan um haf og gengu ekki bara fyrir heyi og vatni eins og fyrri aflgjafar heldur innfluttum framandvökum, þunnum og þykkum – til gangs og smurnings.

Nánar

Fyrri nöfn dagsins