Ferguson-bókin er komin út !

Það tilkynnist hér með að bókin ... og svo kom Ferguson er komin út. Forlagið Uppheimar á Akranesi gefur hana út, sjá www.uppheimar.is

Bókin verður kynnt á Ferguson deginum á Hvanneyri á morgun og þar verður hún einnig til sölu.

Hluti ágóða af sölu bókarinnar rennur til Landbúnaðarsafns Íslands.

Bókin ... og svo kom Ferguson geymir sögur um gráa Ferguson í máli og myndum. Auk höfundar, Bjarna Guðmundssonar, skrifa tíu valinkunnir menn úr öllum landshlutum minningar sínar um þessa merkilegu dráttarvél.

Urmull mynda er í bókinni og hafa fæstar þeirra birst opinberlega áður hérlendis. Bókin er tæplega 200 blaðsíður að stærð.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins