Úti var nú öll hans von ...

Heimsíðungi fyrirgefst vonandi að hann skuli vera með Ferguson á heilanum þessa dagana, en það er eiginlega vegna Ferguson-dagsins nk. laugardag. Að honum liðnum verður annað tekið fyrir.

Á dögunum sendi heiðurskona á Suðurlandi safninu ljósmyndir af Ferguson heimilisins að störfum árið 1952, m.a. við setningu kartaflna með íslenskum Ferguson-setjara. Myndunum fylgdi greinargott bréf með skýringum...

... og þar með talin ein vísa um bónda í sveit hennar sem var svo heppinn að eignast fjórar dætur en átti leyndan draum um að eignast syni líka.

Þá kvað nágranninn:

Úti var nú öll hans von

að eignast nokkra syni

þá fékk hann sér bara Ferguson

frægan af ensku kyni ...

Einn gestur safnsins hafði að vísu lært vísuna með orðinu fínan í síðustu línunni...

Ferguson-áhugamenn eru þegar farnir að koma með Gránur sínar að Hvanneyri, tilbúnir að sýna gripi sína. Við hvetjum sem flesta til að slást í hópinn á laugardaginn...

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins