Átt þú ferðafæra Fergusonvél?

Ja, þá er ekkert annað en að bregða sér á henni/með hana á Ferguson-daginn á Hvanneyri næstkomandi laugardag, 18. júlí. Þar verður landsmót Ferguson-unnenda, haldið í tilefni sextugsafmælis þessara véla á Íslandi.

Mottó mótsins er maðurinn einn er ei nema hálfur - með Ferguson er hann miklu meira en hann sjálfur, og þá sérstaklega ef hann hefur hæfilegt verkfæri aftan í sínum Ferguson.

Allir eru velkomnir með vélar sínar - Hvanneyrarhlaðið getur tekið við mörgum vélum. Ýmislegt verður á dagskrá ... sem sagt verður frá næstu daga.

Stuðningshópur Landbúnaðarsafns mun bjóða kaffi og vöfflur með rabarbarasultu - andvirðið rennur til eflingar safninu ... meira á morgun...

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins