Nú styttist í Ferguson-daginn !

Landbúnaðarsafn tilkynnir að nú styttist óðum í Ferguson-daginn sem margir áhugasamir Gránu-félagar hafa beðið með óþreyju. Dagurinn er laugardagurinn 18. júlí nk.

Dagskrá er í undirbúningi. Strax skal þó tekið fram að þennan dag eru allir Ferguson-eigendur velkomnir með gripi sína að Hvanneyri, hvort sem þeir eru gráir, gylltir eða rauðir. Þar munu menn sýna sig og sína, og sjá aðra og gripi þeirra.

Með safninu standa að dagskránni Jörvi hf og Ferguson-félagið.

Sama dag fer fram á Hvanneyri landskeppnin Ull í fat 2009, sem Ullarselið annast að þessu sinni.

Fylgist með nánari tilkynningum á næstu dögum.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins