Hver er maðurinn?

Vegna bókargerðar er heimsíðungur að leita eftir því hver muni vera óþekkti sláttumaðurinn á meðfylgjandi mynd.

Ljósmyndina tók Ólafur Guðmundsson á Hvanneyri, sennilega á árunum 1955-1958 og þá hugsanlega í Borgarfirði.

Kannist einhver við þennan góðlega öldung sem beitir sínum Ferguson til sláttar, með ljósa fingravettlinga, í samfesting og undir barðamiklum hatti að hætti fyrirmanna þeirrar tíðar, þætti mér vænt um að heyra frá þeim heimildarmanni.

Bjarni Guðmundsson á Hvanneyri, s. 894 6368, bjarnig@lbhi.is

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Þvottakonan

Nafn dagsins er þvottakonan. Ekki bara einhver þvottakonan, heldur þvottakonan sem upplifði það að ný óhreinindi voru komin á vinnuföt karlanna sem hún þjónaði samtíma sínum samkvæmt: Karlarnir voru farnir að umgangast traktora, þessar framandi maskínur komnar vestan um haf og gengu ekki bara fyrir heyi og vatni eins og fyrri aflgjafar heldur innfluttum framandvökum, þunnum og þykkum – til gangs og smurnings.

Nánar

Fyrri nöfn dagsins