Fundað um Ferguson 24. febrúar

Ferguson-félagið sem sennilega er annað merkilegasta félag á Íslandi (sjá www.ferguson-felagid.com) boðar til fundar í Tækniskólanum við Skólavörðuholt, stofu nr. 204 á morgun, þri. 24. febrúar.

Skólinn þar við holtið verður opnaður kl. 19.30 svo fundur geti hafist þar kl. 20. Allir eru velkomnir, segja þeir Fergsyningar.

Á fundinum mun heimsíðungur, Bjarni Guðmundsson á Hvanneyri, halda erindi með skyggnulýsingum um Grána Ferguson: höfuðsmið hans, hvernig þessi merka dráttarvél kynntist Íslendingum og hvaða áhrif hún hafði einkum í sveitum landsins.

Gert er ráð fyrir að fundurinn verði gagnvirkur þannig að sem mest jafningjafræðsla verði viðhöfð, enda margir félagsmenn Fergsyninga stórfróðir um þessa merkilegu dráttarvél.

Bjarni baukar nú við það að tína saman sögu Grána Fergusonar á Íslandi í tilefni sextugsafmælis þess síðarnefnda á Íslandi í ár.

Honum er því stór akkur í öllum fróðleik um Grána, og ekki síst eru góðar ljósmyndir af honum (Grána) og safamiklar sögur um hann vel þegnar.

Blessaður sendu mér, lesandi góður, fróðleik um Ferguson (sögu, mynd), ef þú lumar á.

Ég hef símann 894 6368 og póstinn bjarnig@lbhi.is

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins