Hérna kemur myndin sem lofað var ...

Heimsíðungur ræður sér vart fyrir kæti því nú tókst knattleiksmönnum hans gulum og glöðum að knýja fram jafntefli svo stefnan er tekin hratt upp Landsbankadeildarstigatöfluna.

Svo lofaði hann með næst síðasta pistli hér á síðunni mynd, sem hér kemur. Það er mynd af stjórn (aðal- og varamenn) Landbúnaðarsafns Íslands og starfsmanni - glaðbeitt er hún og til alls líkleg, þ.e. stjórnin:

Við sjáum frá vinstri talið:

Ólaf Ólafsson, Lilju Árnadóttur, Elísabetu Rán Andrésdóttur, Tjörva Bjarnason, Ágúst Georgsson, Torfa Jóhannesson, Harald Benediktsson, Bjarna Guðmundsson og Ágúst Sigurðsson. Fjarstödd var Auður Sveinsdóttir auk Sveinbjarnar Eyjólfssonar sem þurfti að hverfa af fundi.

Myndin er tekin við lok fyrsta stjórnarfundar, á Hvanneyri þann 16. maí sl. (ljósm. Áskell Þórisson).

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Þvottakonan

Nafn dagsins er þvottakonan. Ekki bara einhver þvottakonan, heldur þvottakonan sem upplifði það að ný óhreinindi voru komin á vinnuföt karlanna sem hún þjónaði samtíma sínum samkvæmt: Karlarnir voru farnir að umgangast traktora, þessar framandi maskínur komnar vestan um haf og gengu ekki bara fyrir heyi og vatni eins og fyrri aflgjafar heldur innfluttum framandvökum, þunnum og þykkum – til gangs og smurnings.

Nánar

Fyrri nöfn dagsins