4. janúar 2017

Nýtt vefrit - Ræktunarminjar í Ólafsdal

Gleðilegt ár!

 

Í dag kom út í vefriti safnsins, Plógur A-deild, skýrsla um ræktunarminjar í Ólafsdal (sjá hér til vinstri á síðunni). Skýrslan er unnin í samvinnu við Ólafsdalsfélagið og með atbeina þess fyrir fjárstuðning Alþingis.

 

Skýrsluna unnu þau Ragnhildur Helga Jónsdóttir og Bjarni Guðmundsson.

 

Skýrslan gefur hugmynd um þær miklu ræktunarminjar, flestar frá fyrri aldamótum, sem er að finna í Ólafsdal, og gera staðinn afar verðmætan í ljósi íslenskrar búnaðarsögu.

 

Unnið er að almennri fornleifaskráningu í Ólafsdal og mun þessi skýrsla nýtast vel til hennar.

 

Með rölti um Ólafsdal má fræðast um ræktunarhætti á fyrstu árum innlendrar búnaðarfræðslu. Með skýrsluna við hendina er hægt að ganga á margar minjanna og fræðast um hlutverk þeirra og samhengi. 

 

Ýmislegt er þó enn órannsakað þar vestra frá brautryðjendastarfi Torfa skólastjóra Bjarnasonar. Standa vonir til þess að það megi gera á næstu árum.