15. desember 2016

Árskort í safnið árið 2017

Við ætlum að gera tilraun með árskort í safnið fyrir árið 2017 - en þó með sérstöku sniði:

 

Árskortið verður á formi lítill bókar, Konur breyttu búháttum, sagan um Mjólkurskólann á Hvanneyri og á Hvítárvöllum og ungu stúlkurnar sem með skólanum eignuðust leið til náms og þroska. Margar þeirra tóku síðan þátt í nýsköpun mjólkurvinnslu og afurðasölunnar í byrjun síðustu aldar.

 

Árskortið er því ekki aðeins aðgangslykill að Landbúnaðarsafni heldur um leið fræðandi fyrir gesti safnsins.  Kjörin eru þessi:

 

 

 

1. Kortið kostar 3.000 kr. auk sendingarkostnaðar

2. Kortið verður skráð á nafn eiganda þess og það gefið út í Landbúnaðarsafni á Hvanneyri

3. Kortið, þ.e. áðurnefnd bók, hefur þennan formála á forsíðu en hann lýsir notkun þess: 

Á R S K O R T

Gegn framvísun þessarar bókar hefur eigandi hennnar gjaldfrjálsan aðgang að Landbúnaðarsafni Íslands í Halldórsfjósi á Hvanneyri með einum fullorðnum gesti svo oft sem hann kýs á árinu 2017.

 

Afgreiðslumaður safnsins í Ullarselinu þarf aðeins að kvitta fyrir komuna með dagsetningu heimsóknar á auðu síðuna aftast í bókinni.