Komdu með rétta öld aftur í tímann!

1912: Það er árið sem aðflutningur áfengis var bannaður, ÍSÍ var stofnað, Kristján X tók við ríki og Nýja bíó hóf starfsemi sína.

Í Andakíl eru mannaferðir óvenju miklar; stærri og minni hópar manna á ferð, sumir gangandi, aðrir ríðandi. Ferjumenn við Hvítá fara óvenju margar ferðir á kænum sínum.

Það virðist gott ferðafæri, lítill snjór á jörðu en sennilega hafa vetrarkuldar gengið; ætli hann hafi ekki lengið í norðanáttum?

Menn stefna að Hvanneyri. Hvað stendur til þar?

Það er í vændum merkilegur atburður á Hvanneyri, endurtekinn frá árinu á undan; hann tókst svo vel þá. En nú hefur aðstaða til mannamóta batnað svo á Hvanneyri að leikinn skal endurtaka, en með mun meiri viðhöfn.

Viðburðurinn verður hluti búnaðarsögunnar, áfangi í því að marka sókn til nýrra tíma - framfara við heimastjórn sem óðum er að finna fjölina sína.

Við lesum nánar um atburðinn á heimasíðu Landbúnaðarháskólans

http://www.lbhi.is/Pages/2354?preview=true

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins