Nýárskveðja frá Landbúnaðarsafni

Landbúnaðarsafn Íslands sendir samstarfsaðilum, velvildarmönnum og öllum gestum safnsins á árinu 2011 þakkir fyrir samstarf, velvild og heimsóknir á því ári.

Safnið óskar öllum iðjusemi og farsældar á árinu 2012.

Með hverri stund bætum við steini í hleðslu sögunnar, stórum eða smáum eftir atvikum. Sumir standa lengi, óháð stærð, aðrir hrynja fljótt úr hleðslunni: það fer eftir því hve vel við veljum/lögum steininn og því hversu haganlega við komum honum fyrir.

Hleðslumaðurinn á meðfylgjandi mynd reynir að vanda verk sitt ...

Gleðilegt ár 2012.

Bjarni Guðmundsson

ábyrgðarmaður Landbúnaðarsafns Íslands ses

ES:

Það hefur skapast sú venja að helga hvert ár tilteknu viðfangsefni.

Nú erum við t.d. að kveðja ár Nallans.

Tilkynnt verður í næstu viku hvert verður einkenni ársins 2012 ...

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins