Jólaföstugestir

Lífleg gestakoma hefur verið í Búvélasafninu nú í haust. Stærstu hóparnir eru skólahópar af höfuðborgarsvæðinu og starfsmannahópar sem komið hafa að Hvanneyri til þess að reyna sig í sveita-,,fitness" á vegum Guðmundar ráðsmanns. Nú í dag, í annarri viku aðventu, t.d. kom í safnið skólahópur úr Borgarnesi til þess að kynna sér fornar landbúnaðarvélar og þætti búnaðarsögunnar en líta um leið á gæðahandverk og tóvinnutækni í Ullarselinu. Gestafjöldi Búvélasafnsins í ár verður sennilega meiri en var á síðasta ári.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins