Ferguson komin í bókabúðir á ný!

Þessa dagana er verið að dreifa í bókabúðir 2. prentun bókarinnar ... og svo kom Ferguson en bókin varð uppseld þar um síðustu áramót.

Bókin er nú einnig til sölu á sérstöku verði í Landbúnaðarsafni. Safnið nýtur tekna af sölu bókarinnar.

Það er bókaútgáfan Uppheimar (www.uppheimar.is ) sem gefur bókina út.

Nokkuð hefur verið um bókina spurt af erlendum aðilum, m.a. hvort fáanleg verði á ensku. Það verður ekki í bráð enda bókin eingöngu hugsuð fyrir íslenskan markað. Ríkulegt myndefni bókarinnar léttir erlendingum hins vegar að njóta hennar.

Höfundur bókarinnar þakkar landsmönnum, og þá einkum og sérílagi öllum sveitamönnum í borg, bæjum og sveitum, einstaklega góðar viðtökur. Þær hvetja til frekari verka að menningarvarðveislu á þessu sviði.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins