Þekkir þú býlið og fólkið?

Meðfylgjandi ljósmynd tók Guðni Þórðarson blaðamaður líklega um miðja síðustu öld. Þetta er ein margra ágætra þjóðlífsmynda sem hann tók og eru nú í safni hans í Ljósmyndasafni Íslands.

Þekkir einhver býlið þar sem myndin er tekin og fólkið, sem þarna er að heyskap? Heimsíðungur hefur grun um að myndin sé tekin í fallegri sveit við Faxaflóa en er þó ekki viss.

Ef þú telur þig þekkja til myndefnisins bið ég þig vinsamlegast að hafa samband við heimsíðung, Bjarna Guðmundsson á Hvanneyri í síma 894 6368, eða í tölvupóstinum bjarnig@lbhi.is

Fyrirfram þakkir.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins