Samstöðu- og baráttukveðjur

Íslenska búnaðarsagan er vörðuð atburðum líkum þeim er nú verða í nágrenni Eyjafjallajökuls. Engin tækni leysir okkur undan þeim duttlungum náttúrunnar. Í besta falli kann tæknin að auðvelda glímuna við afleiðingar hamfaranna.

Búnaðarsagan geymir líka ráð og reynslu, sem nýtst getur í baráttuöflin og áhrif þeirra. Ráðum þeim og reynslunni er mikilvægt að safna; greina hana og eiga tiltæka þegar upp koma slíkar hamfarir.

Eðli landsins fær nú útrás; landsins sem okkur var lánað til nýtingar og vörslu. Því ber okkur sameinuðum að leggja þeim lið er nú verða fyrir búsifjum.

Landbúnaðarsafn Íslands sendir þeim öllum samstöðu- og baráttukveðjur.

Vonandi linnir þessum ósköpum von bráðar svo blómlegar sveitir megi aftur taka til við að undirbúa komu vors og gróanda.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins