Viðurkenning Safnaráðs

Á fundi Safnaráðs þann 18. september sl. var lokið umræðu um starfsemi Búvélasafnsins á Hvanneyri. Í bréfi Safnaráðs dags. 24. sept. sl. segir svo: "Safnaráð hefur metið starfsemi safnsins út frá upplýsingum frá ábyrgðarmanni þess og greinargerð frá safninu. Mat þetta hefur sýnt fram á að safnið uppfyllir 4. grein safnalaga og skal Búvélasafnið því réttilega teljast safn lögum samkvæmt."

Ákvörðun Safnaráðs er Búvélasafninu mikilvæg og leggur því jafnframt auknar skyldur á herðar sem safnið mun leggja metnað sinn í að uppfylla.

Hvenær er safnið opið?

Netfang: bjarnig@lbhi.is
Sími: 844 7740

(einnig 433 5000)

Nafn dagsins er

Ágúst Andrés Jónsson

Nafn dagsins er Ágúst Andrés Jónsson. Hann var fæddur 28. júní 1907 í Reykjavík. Hann nam við Hvítárbakkaskólann veturinn 1924-1925. Lauk síðan rafvirkjanámi og varð einn umsvifamesti rafverktaki í höfuðborginni með fyrirtæki sínu, Rafvirkjanum sf á Skólavörðustíg 22. Ágúst dvaldi ungur um fjörgurra ára skeið í Alaska og Bandaríkjunum og kynnst atvinnuháttum og fólki þar vestra. Hann hafði einnig mikinn áhuga á landbúnaði og keypti jörðina Hraunkot í Grímsnes, lítt og illa hýsta. Jörðin stórbætti Ágúst og hóf að gera þar margvíslegar landbúnaðartilraunir, m.a. með ræktun korns, baunagrass, ýmissa afbrigða af kartöflum ofl. Þá reyndi hann einnig ýmsar nýjungar í verktækni og vélum til búskapar. Alifuglarækt stundaði hann einnig, ræktaði m.a. Peking-endur og kalkúna, en þeir höfðu ekki verið aldir hérlendis áður.

Nánar

Fyrri nöfn dagsins