http://www.landbunadarsafn.is/frettir/ Nepal vefumsjón - www.nepal.is http://www.landbunadarsafn.is/frettir/nr/128755 http://www.landbunadarsafn.is/frettir/nr/128755 Wed, 16 May 2012 09:27:00 GMT Það skal viðurkennt að heimsíðungur ræður sér vart þessa dagana vegna ágætrar frammistöðu fót-ballar-félags í nálægu sjávarplássi svo minnir á forna frægð þar í vör. En það er fleira af fornri frægð. Fyrir 95 árum var margt að gerast í búnaðarmálum Íslands. Vorið 1917 var heilmikið skrafað og skrifað um möguleika á því að fá til landsins dráttarvélar - traktora. Í ljósi þess að heimsíðungur er að stympast við þá margbrotnu sögu verður hér getið örkafla úr henni: http://www.landbunadarsafn.is/frettir/nr/128504 http://www.landbunadarsafn.is/frettir/nr/128504 Thu, 10 May 2012 09:49:00 GMT Menningarráð Vesturlands (www.menningarviti.is ) hefur veitt Landbúnaðarsafni Íslands myndarlegan fjárstyrk. Styrkurinn er til þess að laga húsnæði í hinu svokallaða Halldórsfjósi á Hvanneyri fyrir fyrsta áfanga varanlegrar sýningar safnsins. Byggingin var reist árið 1928 yfir 80 kýr, gerð eftir teikningu Guðjóns Samúelssonar húsameistara. http://www.landbunadarsafn.is/frettir/nr/128329 http://www.landbunadarsafn.is/frettir/nr/128329 Sun, 06 May 2012 17:16:00 GMT Vitanlega er Landbúnaðarsafn virðulegt safn sem tekur hlutvek sitt alvarlega, en í millum leyfir heimsíðungur sér samt að víkja ögn af hinni hefðbundnu braut fræða og fagmennsku. Í dag sá hann nefnilega frétt í Kvöldpóstinum norska frá Grímstað er gekk út á það að bændur og aðrir hefðu ekið til kirkju á traktorum, m.a. forntraktorum af vel þekktri tegund. http://www.landbunadarsafn.is/frettir/nr/128146 http://www.landbunadarsafn.is/frettir/nr/128146 Tue, 01 May 2012 15:24:00 GMT Á jólaföstunni 1948 kynnti Hekla hf enska landbúnaðarbifreið, Land Rover, er með tímanum varð hluti íslenskrar sveitamenningar. Aulýsingapésar þeirrar tíðar greina frá því að fá mætti ýmsar búvélar við bifreiðina, þ.m.t. sláttuvélar. Skv. blaðafregnum voru þær þó smíðaðar utan Rover-smiðjanna í Birmingham. http://www.landbunadarsafn.is/frettir/nr/128046 http://www.landbunadarsafn.is/frettir/nr/128046 Fri, 27 Apr 2012 08:43:00 GMT Í marslok- auglýstum við sem oftar eftir fróðleik í Bændablaðinu. Við spurðum annars vegar um myndir af jeppasláttuvélum og hins vegar hvort einhverjir gætu frætt okkur um síðustu kappslættina. Bændablaðið er sýnilega mikið lesið því viðbrögðin urðu veruleg, satt að segja. Styðja þau við þá kenningu sem heimsíðungur hefur sem söfnungur: Það er allt til, spurningin er bara hvar það er og hvenær það kemur. Þannig munu blöðin í þá fornfrægu bók, Skáldu, líklega koma einn daginn, þau eru nefnilega til ... http://www.landbunadarsafn.is/frettir/nr/127824 http://www.landbunadarsafn.is/frettir/nr/127824 Sat, 21 Apr 2012 20:14:00 GMT Gleðilegt sumar! Næstkomandi miðvikudagskvöld verður heimsíðungur með bókaspjall í Menningarmiðstöðinni Gerðubergi í Reykjavík: "Þetta er dynur hins nýja tíma, Þuríður mín" kallast spjallið en titillinn er sóttur norður í Þistilfjörð, nánar tiltekið í Svalbarðshrepp fyrir meira en 80 árum. Gerðuberg er afar merkilegur staður - félagsheimili og listamiðstöð á söguríkum stað í höfuðborg okkar. Heimsíðungi þykir afar vænt um að fá að spjalla þar ögn um fornvélar og fornvélabókmenntir, sem er vaxandi bókmenntagrein á heimsvísu. http://www.landbunadarsafn.is/frettir/nr/127676 http://www.landbunadarsafn.is/frettir/nr/127676 Tue, 17 Apr 2012 15:12:00 GMT Landslag væri lítils virði ef það héti ekki neitt - sagði glöggur maður. Nafnfræðifélagið heldur fræðslufund laugardaginn 21. apríl nk., kl. 13.15 í stofu 201 í Odda, húsi Háskóla Íslands. Ragnhildur Helga Jónsdóttir umhverfislandfræðingur heldur fyrirlestur sem hún nefnir Skráning örnefna í Borgarfirði. http://www.landbunadarsafn.is/frettir/nr/127575 http://www.landbunadarsafn.is/frettir/nr/127575 Sat, 14 Apr 2012 16:16:00 GMT Oft hefur heimsíðungur vitnað til og byggt ritningar sínar hér á síðunni á efni sem velunnarar safnsins hafa borið honum. Svo er einnig nú. Starfsfélagi ágætur var á reisu niðrí Eþiópíu fyrir fáeinum vikum. Eþíópía er merkilegt land þar sem Haile Selassie var keisari og stórbóndi um langar hríðir. Minnist heimsíðungur helst þess að hafa séð fallegar myndir frá kristniboðinu í Konsó þar niðurfrá - en ekki síður hreifst hann af geitahirðunum keisarans sem hlupu alla af sér á Ólympíuleikum. Var ekki Akibúa þeirra fráastur? Jóhanna á Háafelli hefði þurft að ráða hann í vinnumennsku. En frá Eþíopíu hafði félagi minn með sér merkilegan bankaseðil og færði okkur: http://www.landbunadarsafn.is/frettir/nr/127371 http://www.landbunadarsafn.is/frettir/nr/127371 Sat, 07 Apr 2012 08:48:00 GMT Kominn er laugardagur fyrir páska og mál að senda tryggum lesendum þessarar síðu, og hinum líka, páskakveðju. Páskar eru hátíðin sem á tilefni sitt í sigri lífsins yfir dauðanum. Þessa dagana sjáum við raunar allt um kring okkur tákn um hliðstæðuna. Vorið er að brjóta af sér viðjar vetrarins. Vissulega er veturinn ekki dauðanum merktur: Náttúran á okkar slóðum liggur í dvala á meðan jarðarkúlan baðar aðra fleti sína í sól og sumaryl. http://www.landbunadarsafn.is/frettir/nr/127360 http://www.landbunadarsafn.is/frettir/nr/127360 Wed, 04 Apr 2012 19:52:00 GMT Við hétum því um áramótin síðustu að nokkuð yrði vikið að orfum og ljáum á þessu ári - enda ríkir nú ár orfs og ljáa. Landbúnaðarsafn Íslands á marga velvildarmenn víða um land sem láta sig málefnis safnsins varða með ýmsum hætti. Sunnlenskur maður ágætur úr þessum hópi hafði samband við heimsíðung á dögunum og sagði honum dálitla þjóðháttasögu um ljái - og þó fremur ljábakka. Hún fer hér á eftir. http://www.landbunadarsafn.is/frettir/nr/127214 http://www.landbunadarsafn.is/frettir/nr/127214 Fri, 30 Mar 2012 17:26:00 GMT Nú eru Borgnesingar komir í úrvalsdeild meisaknattleiksins (basket ball) eftir frækilegan sigur á Skagamönnum, sem eru hins vegar á fullri siglingu í fótbelli (football). Skynsamleg sérhæfing sem skilar árangri. Við nuddum áfram í Halldórsfjósi sem nú stendur grunnmálað, sjá mynd. Verið er að leggja lokahönd á skipulag rýmis og grunnsýningar safnsins. Áfram verður unnið í takt við tiltæka fjármuni. http://www.landbunadarsafn.is/frettir/nr/127052 http://www.landbunadarsafn.is/frettir/nr/127052 Tue, 27 Mar 2012 11:29:00 GMT Fimmtudagskvöldið, 29. mars nk., verður á Hvanneyri efni til sagnakvöldvöku til heiðurs Gunnar Bjarnasyni kennara og ráðunaut (1915-1998). Vakan hefst kl. 20 og verður haldin í Ásgarði - aðalbyggingu Landbúnaðarháskólans. Á vökunni munu sagnamenn minnast kynna sinna af Gunnari, sem var einn af litríkustu persónum sinnar tíðar. Um margt markaði hann spor í sögu landbúnaðarins; umdeildur að sönnu, en hugmyndaríkur og oft framsýnni en aðrir. Tveir merkustu karlakórar í Heimi munu einnig koma fram á sagnakvöldinu og léttar veitingar ekki langt undan. Njósn hefur borist af því að allmargir vinir og kunningjar Gunnars muni ætla að sækja sagnakvöldið og því er betra að mæta með fyrra fallinu. http://www.landbunadarsafn.is/frettir/nr/126869 http://www.landbunadarsafn.is/frettir/nr/126869 Wed, 21 Mar 2012 20:23:00 GMT Að þessu sinni ætlar heimsíðungur ekki að skrifa langan texta. Þess þarf ekki. Tækifærið er notað til þess að vekja athygli á bókinni Mannvist - sýnisbók íslenskra fornleifa sem út kom fyrir síðustu jól. Birna Lárusdóttir fornleifafræðingur er aðalhöfundur bókarinnar. Opna gefur bókina út (www.opna.is ). http://www.landbunadarsafn.is/frettir/nr/126532 http://www.landbunadarsafn.is/frettir/nr/126532 Tue, 13 Mar 2012 15:28:00 GMT Landbúnaðarsafn Íslands hefur gefið út rit um nýtingu flæðiengja í neðanverðum Borgarfirði, þar sem sérstaklega eru skoðaðir verkhættir og vinnubrögð við nýtingu þeirra á 20. öld. Flæðiengjalöndin við Borgarfjörð voru til skamms tíma mikilvægur hluti búrekstrar margra jarða, ekki aðeins þeirra, sem þau lönd áttu heldur einnig annarra sem þar áttu ítök eða leigðu þar slægjur. http://www.landbunadarsafn.is/frettir/nr/126233 http://www.landbunadarsafn.is/frettir/nr/126233 Mon, 05 Mar 2012 16:39:00 GMT Það er enn spölur til vors en samt eru menn farnir að huga að ávinnslu og áburði. Á dögunum lauk hann Jói Ellerts við að pússa upp áburðardreifara - Ferguson þyrildreifara, sem safninu áskotnaðist sl. haust. Með Ferguson-dráttarvélum mátti sem kunnugt er fá fjölbreytt verkfæri, flest á þrítengibeisli vélarinnar, þ.á.m. dreifara fyrir tilbúinn áburð. Þessi dreifaragerð var kölluð þyrildreifari eftir vinnulagi hennar. Hún var bylting í gerð áburðardreifara á sinni tíð. Henni var eiginlega ætlað að líkja eftir vinnu sáðmannsins; náði því þó ekki að sama marki og kastdreifararnir gerðu - dreifararnir með stútnum sérstæða frá Vicon. http://www.landbunadarsafn.is/frettir/nr/125952 http://www.landbunadarsafn.is/frettir/nr/125952 Mon, 27 Feb 2012 15:08:00 GMT Ekki eru allir hlutir í þessari veröld stórir. Það sannaðist nýlega þegar í hús kom viðbótarfróðleikur um hestasláttuvélar, en eins og minnugir vita vinnur safnið að söfnun fróðleiks um notkun hestasláttuvéla - á grundvelli sérstakrar spurningaskrár, sem finna má hér. Fróðleiksmolinn, sem hér verður greint frá, snýst um heyskúffu, sem margir settu á greiðu sláttuvélanna til þess að safna heyinu saman strax við sláttinn og spara þannig umtalverðan rakstur. http://www.landbunadarsafn.is/frettir/nr/125920 http://www.landbunadarsafn.is/frettir/nr/125920 Sun, 26 Feb 2012 08:17:00 GMT Menningarráð Vesturlands afhenti styrki til menningarmála landshlutans við formlega athöfn á Skipaskaga sl. föstudag. Menningarráð veitti þá Landbúnaðarsafni myndarlegan styrk til varanlegrar sýningar safnsins sem nú er verið að undirbúa. Styrkurinn kemur safninu afar vel. Landbúnaðarsafn þakkar Menningarráði Vesturlands (www.menningarviti.is) kærlega fyrir styrkinn. http://www.landbunadarsafn.is/frettir/nr/125909 http://www.landbunadarsafn.is/frettir/nr/125909 Fri, 24 Feb 2012 21:03:00 GMT Við lýstum eftir upplýsingum á dögunum um grip einn, sjá "fréttina" hér næst á undan. Sama virðist eiga við um hann og höfund Njálu: Óþekktur. Enginn hefur gefið sig fram sem við hann kannast eða viðlíka gripi. Af því ráðum við að gripurinn hafi verið næsta sjaldgæfur, ef ekki einstakur. Við munum samt halda áfram að spyrjast fyrir um gripinn - þó ekki væri af öðru en þekktum þráa okkar. Við munum m.a. gera það á Atvinnusýningu Rotary-klúbbs Borgarness í Hjálmakletti í Borgarnesi á morgun, kl. 13-17. Þar mun Landbúnaðarsafnið kynna starfsemi sína. Sýningin er haldin í tilefni 6tugs afmælis Rotary-klúbbsins á þessu ári. http://www.landbunadarsafn.is/frettir/nr/125126 http://www.landbunadarsafn.is/frettir/nr/125126 Sat, 04 Feb 2012 07:21:00 GMT Marglýst er yfir að árið 2012 er ár orfs og ljáa í Landbúnaðarsafni. Því er enn höggvið í sama ljáfarið - það á eftir að gerast oftar er fram á árið líður. Ágætar konur, er vinna það þjóðþrifaverk að halda úti Nytjamarkaði í Brákarey í Borgarnesi, bæði til eflingar sjálfbæris í samfélaginu og til útvegunar fjármagns til uppihalds þarfra ungmennaíþrótta á því svæði þar sem Egill Skallagrímsson leið bernskur af rítalínþurfandi unglingaveiki, komu í fyrradag færandi hendi: http://www.landbunadarsafn.is/frettir/nr/125108 http://www.landbunadarsafn.is/frettir/nr/125108 Fri, 03 Feb 2012 13:34:00 GMT Skýrsla Landbúnaðarsafns Íslands fyrir árið 2011 er komin á vefinn og hana má finna hér. Frjálst er að vitna til hennar aðeins með því þó að geta heimildarinnar. Unnið er að gerð ársreiknings fyrir árið 2011 en aðalfundur safnsins verður haldinn um komandi sumarmál. Árið 2012 byrjar ágætlega í safninu. Á annað hundrað gestir litu við í janúar, þar á meðal sveitarstjórn Borgarbyggðar er kom í sérstaka heimsókn þann 31. janúar til þess að kynna sér safnið og málefni þess.